Курсанты факультэта міліцыі сустрэліся з прадстаўніком МНС. Ўвага нададзена рабоце пажарных і прафілактыцы надзвычайных сітуацый.
У мэтах прафілактыкі парушэнняў правілаў пажарнай бяспекі, а таксама ў мэтах навучання дзеянняў пры ўзнiкненнi надзвычайных сітуацый у месцах масавага знаходжання людзей была праведзена сустрэча курсантаў з начальнікам сектара бяспекі жыццядзейнасці цэнтра прапаганды і сацыякультурнай дзейнасці Мінскага гарадскога ўпраўлення МНС Ірынай Уласевіч.
Трагедыя ў Кемерава паслужыла штуршком для шматлікіх праверак арганізацый з боку Міністэрства па надзвычайных сітуацыях Рэспублікі Беларусь. Вынікі гэтых праверак несуцяшальныя: у большасці арганізацый выяўлена велізарная колькасць парушэнняў у сферы пажарнай бяспекі. У сувязі з гэтым супрацоўнікі МНС сталі актыўна праводзіць прафілактычную работу па папярэджанні надзвычайных сітуацый
Ірына Паўлаўна пачала сваю гутарку са статыстыкі за 2016-2017 год. Небяспечны сезон не паспеў пачацца, аднак за студзень 2018 гада адбылося 535 пажараў, на якіх загінулі 55 чалавек, за люты - 529 пажараў, 66 загінуўшых. Супрацоўніца адзначыла, што асноўнымі прычынамі трагедый з'яўляюцца парушэнні правілаў пажарнай бяспекі ў памяшканнях, парушэнне правілаў эксплуатацыі электрапрыбораў, парушэнне правілаў эвакуацыі пры пажары. Была паднятая тэма паводзінаў у летні перыяд, які з'яўляецца самым пажаранебяспечным.
Падчас сустрэчы курсанты прагледзелі шэраг навучальных відэаролікаў, накіраваных на прафілактыку пажарнай бяспекі. Ірына Уласевіч патлумачыла алгарытмы дзеянняў пры эвакуацыі ў выпадку пажару, звяртаючы ўвагу курсантаў на розныя аспекты. Рэкамендацыі спецыяліста папоўнілі веды курсантаў па прафілактыцы надзвычайных сітуацый.
Супрацоўніца МНС запрасіла будучых афіцэраў наведаць музей пажарнай і аварыйна-выратавальнай справы МНС, дзе сабраны матэрыяльныя сведчанні гісторыі і культуры ў галіне барацьбы з агнём. Больш за 5000 экспанатаў ўсебакова асвятляюць гісторыю станаўлення і развіцця пажарнай справы і дазваляюць адкрыць для сябе розныя старонкі гераічнай дзейнасці папярэдніх пакаленняў ратавальнікаў, ва ўсе часы накіраванай на абарону і выратаванне жыццяў.
Дзмітрый Пецярбурцаў, Данііл Гаравы, Сяргей Казакоў,
2 «А» курс.
Фота Сяргея Казакова