Сучасны этап развіцця факультэта міліцыі

Факультэт ажыццяўляе падрыхтоўку высокакваліфікаваных кадраў для крымінальнай міліцыі і міліцыі грамадскай бяспекі Міністэрства ўнутраных спраў, а таксама ў інтарэсах Камітэта дзяржаўнага кантролю і Міністэрства абароны.

Факультэт міліцыі размешчаны ў асноўных навучальных карпусах Акадэміі МУС (пр-т Машэрава, 6). Тут ажыццяўляецца падрыхтоўка кадраў па спецыяльнасцях «Правазнаўства» (спецыялізацыі «Аператыўна-вышуковая дзейнасць» і «Адміністрацыйна-прававая дзейнасць») і «Эканамічнае права» (спецыялізацыя «Аператыўна-вышуковая дзейнасць»).

У склад факультэта ўваходзяць тры кафедры: адміністрацыйнай дзейнасці органаў унутраных спраў, аператыўна-вышуковай дзейнасці, тактыка-спецыяльнай падрыхтоўкі.

Страявая частка факультэта складаецца з вучэбна-страявых падраздзяленняў (курсаў), узначаленых начальнікамі курсаў і іх намеснікамі, якія непасрэдна арганізуюць вучэбна-выхаваўчую працу.

Будучым юрыстам выкладаюць гуманітарныя (філасофія, гісторыя, замежную мову і інш.), юрыдычныя (адміністрацыйнае права, грамадзянскае, канстытуцыйнае, крымінальнае і інш.), спецыяльныя (аператыўна-вышуковая дзейнасць, псіхалогія, крыміналістыка, агнявая падрыхтоўка і інш.) навучальныя дысцыпліны .

Штомесяц, а таксама па заканчэнні семестра і года ў мэтах абагульнення і ўкаранення ў адукацыйны працэс станоўчага вопыту па пытаннях вучэбнай, метадычнай і выхаваўчай работы, арганізацыі самастойнай работы праводзяцца агульныя сходы, на якіх разглядаюцца пытанні вучобы, дысцыпліны і навукова-даследчай дзейнасці курсантаў факультэта, падводзяцца вынікі. На гэтыя сходы запрашаюцца прадстаўнікі кіраўніцтва Акадэміі МУС, прафесарска-выкладчыцкага складу, куратары навучальных груп.

За кожнай вучэбнай групай замацавана свая вучэбная аўдыторыя, забяспечаная усімі неабходнымі метадычнымі і тэхнічнымі сродкамі навучання. Заняткі запоўнены самастойнай падрыхтоўкай пад кіраўніцтвам педагогаў кафедраў і афіцэраў курсаў.